بحث هذه المدونة الإلكترونية
اربع نوافذ
من غير تور
وباب
ماله مزلاج
مربوط بحبل
اظن انه مكسور!!
وفراش وتكايه
ومهفة...
وسراج محطم ماله
فتيل
وفي الركن هناك
مغزل وصوف
بجنبه حصير
يقولون
انه الشيخ ضرير
ماعنده اعيال
قصته قصة
توارثتها الاجيال
قالوا انه من يوم
كان صغير
ماله أهل لاعمام
ولاخوال
مامد يده لأحد
لا لتاجر ولاأمير
بس كان يشيل
معه فاس
يحطب ويبيع بالشتاء
ولاجاء الصيف يجلب
الماء من الغدير
ولما كبر واصبح شباب
كل أهل القرية حبوه
كلهم يعرفونه باسم
ابوغريب!!
ابوغريب ماكان له
مع الحب درب
بس لما حب حب
كذا مره خطب
من أهل محبوبته
ورفضوه لأنه فقير
والبنت اللي حبته
يوم ايئست من أهلها
رمت نفسها في البير
ماتت وابوغريب بعدها
نسى فكرة الزواج
ابتعد ... ابتعد
مد الهجير
ومن كثر نوحه
فقد بصرة
وهذي داره
مضرب الامثال
والاقاويل
صارت للي رايح
وجاي سبيل
بس ظنك احد
منهم يوم مر
ترحم عليه
****
تحياتي :
هب الريح الحربي
الاربعاء 11 /4 /1430
تعال
قالت للي حبس فكره
تعال
رمت من ضرب الخيال
بس كسره
وظنت قلبه تمايل ومال
مادرت
انها من بحره
ماخذت الا قطره
وامست بعدها
على الجال
وظلت تنادي بعالي
الصوت تعال تعال
*****
من علم عيوني
السهر
من فرش لي دربي
زهر
من سئلني عن حُب
عمره شهر
قفى رحل ولاقال
حبيبي موعدنا بكره
نسهر احلا سهره
نسى ماهداني
الدربي زهره
نسى يقول تعال
****
من عطى الشمس نور
واخذ من القمر ضي
كاذب اوشاهداً زور
من فجر بالهوى بحور
وسقى من فمة الورد مي
انا وانا من شيد اقصور
وانا من زرع وحصد
في ارض بور
الاانتي معك مانفع شي
****
البارحة مديت لك
كف الاماني
وضويت لك شمعة
كنتي القمر
اللي دعاني
والنجوم مجتمعه
اجي لك وتسري
حول الغيوم
ابتسم لك فرح
وتصدميني بالهموم
وش زعلك مني
غير صراحتي
وصدقي
وان سئلتك
نفس السؤال
يطول صمتك
وحكيك محال
****
اللي صرخت
هذي جرووحي
لالالاتسمعيها
واللي عن دربك
تنحت ورحلت
هذي رووحي
لالالاتودعيها
يكفيك من الشموخ
تعذيب حالك
اللي تبينه من الحب
كذبه لاشك الحب هالك
واللي يبيك ظل طول
العمر ينشد عن احوالك
ويرتجيك
ابد مالتفتي صوبه
اوفكرتي ليه هو يواسيك
وكل اللي تبينه منه كلمة
نعيش من اجلها
وشوفي الكلمة وشلون تغتال
****
هب الريح الحربي
4 /4 /1432
المشاركات
